Ana tilni baylığı (xabardağı bar da sözler bir harp bulan başlana)

QURDAŞLAR 

Qattıgün. Qışnı qahrulu qadimi. Qazanaşlı Qasumdan qalğan Qadir, qadarlı qurdaşı Qurbannı qonaqlay qarawullağan. Qadir qazanaşlı, qaburlanı qarawulçusu. Qurban Qaratebedegi qotanda qoylağa qaray.Qurdaşar qanlı qırğınlarda qılawlu qılıçların qınap, qızbay qaçaqlanı quwğan qoççaqlar. Qatınsız qalğan qartqocaq Qadir qazannı qaynatıp,qapulağa qarağan.Qarsalay Qadir: — Qayda qaldı qurdaşım? Qulluqları qoymaymı? Qarlağa qarap,qoşuna qaytıp qalğanmı? Qumuqdağı qaralğır quymur qısırnı qabağına qarğaday qonğanmı – qonuşğanmı?
Qaray-qaray,qalğıp qalğan qart qarawulçu. Qadirni qaburğasına qısdırılıp qara qulaqlı qırmawda,quyruğun qursağına qaplap qalğıy. Qırlanı qarañılıq qurşağan. Qañalı qapulanı qağağan qawğağa, qırdan Qurbannı qıçırağanına quwanıp,Qadir qonağın qabaqalda qarşılay: -Qanyawğur,qaydasan qart qaban,qaydasan?Qırawlaqlarda qoyan quwalaymediñ? Qurdaşıñnı qarsalatmaylı-qaynaşdırmaylı qoymaysan.
Qurban da: -Qurdaşımnı qarşısında qarabetli qalmasman. Qızğançılağa qızamuq qabunsun. Qurdaşımnı qarsalatğanğa qıynalıp,qaytarışğa qabaqaldıñda qotandan quwalap,qırq qoynu qadaltırman.
Qonaqüyde qazannı qarşısında qonuşğanda,qurdaşlar qarınçuduğa qaradılar.Qolayaqlağa «Qaraçaçnı» quydular.Qoşa-qotara quymurlandılar.Qadir qoñurawlu qomuznu qoluna qondurup,qılların qartıllatdı.Qaratañda qurdaşlanı qurç qawğasından quturğan qırmaw qırğa qaçdı.
Qırğınlarda qurdaşlıqğa qatnağan Qadir de,Qurban da, qıyınlıqlağa qaypanmay,qartlıqnı qarqarasın qurşama qoymay, Qumuqtüzge quwun qopsa qorqmacaq,qartıllamacaq,qanı qalğınçağa qarçığalarday qarşılağa qamalacaq.


Alav Aliev

Related posts:

comments powered by HyperComments