Loading ...
Çinni iqtisatı ayuwyatğan ayda canlandı
REUTERSge göre Çinde serwis bölüm ayuwyatğan ayda, getgen altı ay bulan teñleşdirgende, lap da bek ösdü. Bu ösüw çığarıw sektördegi toqtaşıwnu tasların yapdı. Alıw menecerleni indeksi getgen ay 52,4 darajağa yerli ösdü. Esge salabız, tunlu ayda bu indeks 50,2 darajada edi. Bü ötgen 17 aynı uzağında iñ tüp daraja edi. 50 darajadan örge ösüw, iş harakatlıqnı güçleniwün añlata, az busa, osallığın görsete.
Maşğulluq da getgen ay aslu ösdü. Getgen ay bu 51,3 darajada edi, enni — 51,8 boldu. Yañı iş indeksi de arüw göterildi. Bu serwis bölümde köp yañı iş yerler açılğanın şahatlay.
2015-çi yılda serwis sektörnü İAMda (İçde Aylanağan Mal) payı 50,5 darajağa yerli ösdü wa birinçi gezik elliden ötdü.
Getgen yılnı uzağında Çinni iqtisatın ösüwü yuzden 6,9 boldu. Bu hisaplar getgen asrunu axırınçı dörtlügünde iñ osal ösüw boldu.
Ösüw dağı da bolsun uçun hukumat reformların dawam etgeni tarıq wa dewlet kntrolnü osal etgeni bek gerek. Serwis karxanalar bazarğa tınç girsin uçun abatlar alıwğa bek ahamiyat bergeni tarıqdır.
iqtisat — экономика
Çin — Китай
ayuwyatğan — январь
tunlu — декабрь
taslar — потери, упущения
iş harakatlıq — деловая активность
maşğulluq — занятость
İçde Aylanağan Mal — ВВП
karxana — предприятие